去超市買紅酒，一望成排貨架，見到唔同產區、唔同年份、唔同標籤，價錢由幾十蚊到幾百蚊不等。你可能見到「特價 $99」、「買一送一」，但究竟係咪真抵？點解有啲紅酒標住「Grand Vin」，有啲寫「Reserva」，仲有啲話自己係「Old Vines」？係咪真係代表質素高，定純粹市場包裝？
其實，超市紅酒標籤大有學問，識睇標籤，你就可以用最抵嘅價錢買到真正高 CP 值嘅紅酒，而唔會亂買支平酒返去發現飲唔落。今日，聖瑪仕 Saint Mas 幫你拆解紅酒標籤背後的秘密，等你下次買紅酒，可以快、準、狠 揀到靚酒！
好多時你會見到超市紅酒超平，甚至「買一送一」，可能會懷疑：「咁平係咪即係劣質貨？」其實未必，超市紅酒之所以平，主要有以下原因：
1）批量生產，壓低成本
法國波爾多唔止五大名莊，仲有成千上萬間中小酒莊，其中唔少由大型企業經營，專門大量生產紅酒，供應全球市場。例如南美（阿根廷、智利）、西班牙、南法產區，生產成本低，可以用更平嘅價錢推出高性價比產品。
2）超市本身大批入貨
超市買紅酒，量大自然有議價能力，所以好多時候佢哋會推出平價酒，吸引客流。例如你成日見到嘅「買一送一」，其實唔一定係清貨，可能係供應商希望用低價搶市佔率。
平價酒唔一定差，只要識揀，$100-$200 內都可以搵到高 CP 值紅酒！
紅酒標籤成日寫住法文、西班牙文、意大利文，唔識睇好容易中伏。以下係幾個標示，幫你快速篩選高質紅酒：
1）「Reserva / Riserva / Gran Reserva」
西班牙 Rioja / Ribera del Duero
Reserva：最少熟成 3 年（包括桶陳 & 瓶陳）
Gran Reserva：熟成最少 5 年，質素更高
意大利 Chianti / Barolo / Brunello
Riserva：比普通版熟成時間更長，酒體更集中
選擇貼士：如果標籤寫住 Reserva / Gran Reserva，一般代表熟成時間較長，味道更濃郁，陳年潛力較強。
2）「Vieilles Vignes / Old Vines」
法文「Vieilles Vignes」、英文「Old Vines」，即老藤，指年紀較大的葡萄藤釀造。
老藤葡萄產量較少，但風味更加濃縮，單寧結構更強，適合收藏。
如果標籤寫住「Old Vines」，通常會有較高的質素，酒味更濃郁！
3）「Grand Vin」唔代表名莊
Grand Vin 喺法國波爾多紅酒標籤上好常見，但呢個詞冇法律規範，基本上任何酒莊都可以寫。
真正值得留意嘅係：
「Grand Cru Classé」（波爾多列級名莊）
「Cru Bourgeois」（中等級別但性價比高嘅選擇）
「Grand Vin」唔等於靚酒，留意有無「Cru」級別，先係真正有保證！
4）「Estate Bottled / Mis En Bouteille Au Château」
如果標籤寫住**「Mis En Bouteille Au Château」，代表呢支酒係由酒莊自己種植、釀造、裝瓶**，而唔係由批發商買原酒再裝瓶，通常質素較穩定。
有呢個標籤，通常代表酒莊直出，唔會係工業量產貨！
波爾多、勃根地、納帕谷（Napa Valley）呢啲地方紅酒出名貴，但其實以下產區都有高 CP 值紅酒！
1. 法國南部（Languedoc、Côtes du Rhône）
南法朗格多克係性價比之王，Grenache, Syrah, Mourvèdre（GSM） 混釀，果香豐富，單寧圓潤，好易入口。
2. 西班牙 Rioja / Ribera del Duero
Reserva / Gran Reserva 級數性價比高，主要用 Tempranillo 釀造。
3. 阿根廷 Malbec / 智利 Cabernet Sauvignon
阿根廷 Malbec：厚重、果味濃郁，適合鍾意濃味紅酒嘅人！
智利 Cabernet Sauvignon：結構紮實，適合日常飲用。
懶人必選：法國 聖瑪仕 Saint Mas
除非係高級紅酒，否則超市紅酒最佳飲用期係 2-6 年內，太舊（如 2012、2013）可能已經過咗巔峰期，飲落冇活力。超市紅酒唔一定低質，識睇標籤、產區、年份，你可以用合理價錢買到高 CP 值紅酒！記住，唔好單憑「特價」「名莊」決定，而係要睇標籤資訊！當然，有時可能只係想求其買支酒，唔想分析太多，作者私心介級一支兼顧晒以上所有條件，而又好味又抵飲，一於推薦法國聖瑪仕紅酒：
✅ Master 329（自由） – 朗格多克 AOP，性價比之選！
✅ Master 503（平等） – 波爾多出品，開瓶即飲！
✅ Master 1231（博愛） – 卡巴戴斯高品質紅酒，適合陳年收藏！
下次去超市，揀支真正抵飲又好飲嘅紅酒，唔好再俾「高級名詞」呃到啦！
超市紅酒攻略：點揀高性價比靚酒？以聖瑪仕 Saint Mas 為例
Comments